26 Nov - 2 Dec

Birthday Week

嘩! 終於捱到年底啦! 淨番2x日, 今年就完啦! 好開心呀!! 又有雙糧 又有禮物 又要買禮物~~~

生日 就同朋友食飯

人老啦 食下飯 出黎傾下計 就好開心

2/2 係我老友 肥華同阿霞嘅婚禮 我做兄弟 - 好早就要仆出去 好眼訓呀

生日係重要嘅日子 係媽媽最辛苦嘅一天 所以唔好同你d朋友興祝 陪下媽媽啦

Depression Week
19 Nov - 25 Nov

每年總有一些時間 自己係工作上遇到好多問題 自己好似做錯好多野......
老闆同我講 呢d就係成長嘅時候 唔好令自己對自己失望...

係度分享一個故事:
話說缺了一隅的big o不停滾動著, 前往找尋它那失散的一角, 因為崩,所以滾得慢,順便欣賞沿途風光; 在遇過太大, 太細, 太方或太圓的一角後, big o終於找到了完全配合它的一塊: 因為完了,所以滾得快了, 於是連蟲嗚鳥叫也不能停不下來欣賞了, 慢慢地, big o反而渴望回到孤獨寂寞的從前......然後有一天,那補上的一角離開了, big o繼續邊滾邊唱: " I'm looking for my missing piece"

"I'm looking for my missing piece"

Sick and Sandy Week
12 Nov - 18 Nov

Sick
今個星期又病咗, 仲係幾厲害個隻. 又咁"橋"我公司個design consultant係意大利黎咗香港同我地開會, 又要上大陸. 冇計啦! 老闆落命令, 唔去都唔得. 問題唔係上唔上大陸而係想要多d休息比自己. 人總要休息. (我成日都咁樣安慰下自己)

Sandy
星期六去"0第" 咗林小姐嘅演唱會. 林小姐曾幾何時真係真係我嘅"心愛"; 而家...我地已經由愛情轉化為感情-應該一直會 感情不老.
"0弟"完之後覺得-如果你唔係dead heart fans : 一個字- 悶. 場地冇feel 成個商場咁又細; 歌冇feel d歌冷門到,要有齊佢d碟;聽哂全部歌;唔跳黎聽, 你先至大概記得; 安排冇feel 冇時興嘅15分鐘快歌環節. 但係 對唔住 對於我完全冇問題. 因為我真係喜歡憶蓮. 成個係音樂會, 而且音樂做得好出色, 個個歌手都想將d舊歌"翻新", 但就唔係個個做得好, 倫永亮真係得架, 琵琶同小提琴一齊編喎 仲要好聽喎-厲害
仲有, 當我地走嘅時候( 全場開哂燈啦) - 憶蓮突然出黎再encore多一首 依然- 好開心呀

Hoi and Marsh Week

5 Nov - 11 Nov

11月5號 係海琪同阿文結婚嘅大日子 真係估唔到兩個小朋友都會結婚. 仲估唔到自己做咗個晚嘅司儀, 都唔知自己做乜呀, 算啦

10號係公司 一年一度嘅outting呀-去天水圍濕地公園 地方好靘 天氣又好-所以成個行程so "c"服.

係每日煩忙嘅工作中, 幫自己透下氣- 公司好多野做呀 我亦同老闆講咗我以後都唔會做管人d野 我自己都未管得掂自己 點管其他人呀...算啦

好啦 同大家一齊分享下-係一個大約10米乘10米嘅地方有成百隻蝴蝶呀 好似拍緊蝶變咁

又可以用望遠鏡0弟下d雀 話比你聽 用望遠鏡0弟雀呀 好神奇架

29 Oct - 4 Nov

22 Oct - 28 Oct

15 Oct - 21 Oct

8 Oct - 14 Oct

1 Oct - 7 Oct

24 Sep - 30 Sep

17 Sep - 23 Sep

10 Sep - 16 Sep

3 Sep - 9 Sep

27 Aug - 2 Sep

20 Aug - 26 Aug

13 Aug - 19 Aug

6/8 - 12/8

30 Jul - 5 Aug

23 Jul - 29 Jul

16 Jul - 22 Jul

Summer Fashion Week
9 Jul - 15 Jul

係呀又係我呀! 比賽又入圍!!
成個profilo就係3日之內完成, 但係出黎都ok喎
其實今次d 衫我自己好鍾意, 師傅係完全做到我d過份嘅要求, 每件衫都同我畫嘅一樣 ( 差唔多啦) , 但係結果都係得果桔.
自己有時都發覺自己太忙啦, 就連我個friend都頂唔順話我係 - 活力小跳豆. 今年頭半年沖得太快啦, 有時連自己都唔知做緊乜. 所以我暫時決定 玩多一次 young d 就唔玩任何比賽啦!! 我都好倦啦.

2 Jul - 8 Jul

Beijing Fashion Week
25 Jun - 1 Jul

又回復平常嘅生活啦!!
又要返工, 又要training, 又要安排fashion show d 衫, 真係有d吃力. 行show d衫麻麻呀! 但係影相就ok 啦~

Closing week

18 Jun - 24 Jun

我瑜伽老師 james (鬼佬) 比我地closing嘅一篇詩 我自己就好鐘意 (本來係英文黎架) 希望你分享得到...

ithaca ( 希臘一個島, 神話中大英雄的家鄉)

當你向ithaca的旅程出發

祈求路途長遠

充滿冒險 充滿知識

巨人,食人族 和 獨眼巨妖,

憤怒的海神 - 不用懼怕他們

你不會再在途上遇到他們

只要你的思想保持高尚,

只要你的心靈和肉體帶著優美的情感

巨人,食人族 和 獨眼巨妖,

憤怒的海神, 你將不再遇上

只要你不將他們成為你的靈魂的負累

只要你的內心沒有把他們想像出來

祈求路途長遠

盛夏的早晨常在

充滿歡愉和喜悅

你會找到從未到過的海港

到訪繁華的市集

購買美好的貨物

珍珠母, 珊瑚,瑪瑙與樟木

各種醉人的香薰

遊歷各個埃及城市

跟智者不斷學習

永遠把ithaca放在你的心腦海中

到達那裡是你的目標

但不要在旅程中趕忙

最好維持很多年

年老時才到達此小島靠岸下錙

在旅途中從收獲中富足

不要期望ithaca給你財富

ithaca已給你美麗的旅程

沒有她, 你不會向這個旅程出發

她沒有更好的給你

假如你發現ithaca貧瘠, 她沒有騙你

你變得聰明, 充滿經歷

你一定已明白ithaca代表什麼

11 Jun - 17 Jun

4 Jun - 10 Jun

28 May - 3 Jun

21 May - 27 May

14 May - 20 May

7 May - 13 May

Osaka Week

30 Apr - 6 May



日本
第一次到日本旅行 目的地-大板
未去之前我覺得日本應該...比香港先進...比香港"型"...比香港有文化有禮貌...但係...原來香港真係唔錯
係就係冇人地咁多古式古鄉嘅歷史( 香港政府有保育嘅責任) 但係始終係中國人?...香港人?...自己長大嘅地方 香港 I Love U
sorry sorry 都冇提下日本之旅 地方係可以嘅 不過最好自己有車或跟團有車用, 地方太大啦 行死人; 食物ok啦 冇乜特別-蟹:就好d; d野又貴 不過都買咗好多野呀 個邊d porter 真係平d架.
希望下次到東京 體驗下佢地d文明啦

23 Apr - 29 Apr

16 Apr - 22 Apr

Hard Work Week

9 Apr - 15 Apr

Ching Ming Week

2 Apr - 8 Apr

開始4月份 (又過左一季啦) . 過去三個月都ok呀, 股票都叫做有d錢賺, 比賽又入到圍, 工作都叫做順順利利.

來緊一季又係好緊張啦! 比賽要做起d衫, 北京個show又要趕起d衫, 公司又要趕起辨, 四月尾去大板旅行(開心野)... 希望唔好太多野啦

一連5日嘅假期好正呀, 又去左深圳做我人生第一次嘅拔罐; 又做咗一堂好正嘅power yoga, 好開心呀.

比番d舊野出黎你0弟番-舊年比賽的design 不過就冇入圍

Sick week part I
26 Mar - 1 Apr

又病啦!! 本來都好好地, 點知又病啦!
人地話運動做得多, 身體自然好, 病痛都少d. 但我就成日病,點解呢? 可能我做個d根本都唔算係乜野運動, 我又冇跑, 又成日傷.
星期一又比我做咗一堂好勁嘅瑜伽- power II. 好勁呀, 2個月未試過咁勁啦!! 下星期一定要再試過. 我地係個半鍾裡面,總供做咗~~~~~~大約60幾個post. 我成身濕哂, 連under都濕哂呀. 好開心呀!! 可能我真係一個好鍾意挑戰嘅人.
不過一個好消息又黎啦 - 就係, 慢長嘅3月完啦. 好野!! 下個星期又放咁多假...

Result Week

19 Mar - 25 Mar


我又參加比賽啦, 個比賽叫做 HONG KONG NEW FASHION SHOW 2007 ( 又係TDC囉). 我又入咗圍啦, 心情等係高興啦. 不過7月先至行show, 而家仲有好多時間. 但係成個星都好忙呀, 人地話做廠等有1-2月係清嫻期, 點知.......


又要persent 又要搵野 又要開季...


tdc 又搵我笨, 又話有show行, 仲係6月北京開show添 (心唸發啦! 終於有回報, 同佢地做咁多show, 今次終於比d 著數我地去下旅行) 點知又係搵笨, 衫就有得去 你就冇啦. 連show都冇得0弟, 以為開發market 呀, 人地點會揾你呀, 個名仲細過個贊助商.........


心淡 ....... 努力揾下錢啦

Green Week
12 Mar -18 Mar

今個星期係自己一個新體驗, 因為我成個星期都係食素呀. ( 唔係食齋呀! 只係唔食肉啫)
其實我想試好耐啦, 咁橋有一個禮拜唔駛點見人, 又冇乜飯局, 就試一個星期啦.
一個禮拜裡面有好多野可以講, 但最想講就係- 點解我要食素呢.

呢個問題係我開始既時候, 其實我冇問過自己. 直至食咗兩日我就開始要問自己點解呢? 為健康? 唔殺牲? 人做我又做? 為食素而食素? 定係我太無聊呢? 可能我真係好無聊.

雖然出發點唔知為乜, 但係的確係一個新既體驗- 你未試過就唔會知. 就好似旅行咁, 你冇去過, 只係0弟相, 0弟片, 你係冇法指明白世界有幾大, 有幾抵死, 有幾好玩.

原來食素對於我黎講, 唔係咁難, 唔需要改變太多野. 但係最唔方便就係下下都冇"叮叮"野食, 係超市入面, 大大大部份即食野都係肉, 好多肉. 希望日後有人發展下呢個市場.

至於我有冇健康到呢, 就真係唔知啦! 不過, 我就好唔小心整到腰骨d肌肉, 成個星期都好痛, 起身坐底都有問題, 好唔方便. 真係小心身體, 愛惜自己.

Shanghai Week
5 Mar - 11 Mar

因為yarn show原固, 這次已經是我第二次到上海. 上次係上年9月, 第一次到上海, 感覺係上海係一個城市, 好忙好多人.

今次, 嘩, 感覺好唔同呀. 時間又多咗啦, 野又唔係咁多要0弟, 好快就攪掂要做既野. 所以今次去咗好多地方.

和平飯店- 係就係有d搵苯, 但係其實佢d菜係好食既. 一碟糖醋雞球真係香港食唔到, 好好食呀,食完仲可以行上天台, 可以0弟哂成個外灘夜境, 好靚呀

和平飯店 jazz bar - 好犀利呀, 個個老人家都6 ,70 歲, 仲咁好氣, 雖然係有d悶, 但係氣氛就好好, 係冇人係度猜"梅"既.

其實成個外灘既建築都好靚, 有時間要再慢慢行

第二日0弟完yarn show, 下午就已經去咗城隍廟食小籠包, 我以為城隍廟係一個很細既地方, 點知裡面好大呀, 係就係commercial咗d, 但係都好靚呀. d小籠包真係好好食呀.

我地再比錢入咗裡面一個叫豫園既中國明朝官宦人家間屋. 真係好犀利, 有錢人真係有錢人, 連地下都係續塊石片砌成. 有好多花園,有多池塘, 我地話係度住,一個月都未必有人知你係度呀.

我又去咗一個區叫法租界, 裡面d樓都係平房, 係入面行都好有3, 40年度上海feel, 好正. 仲有一間cafe 店叫 cafe one ( 係永樂街 街尾)係屋中屋, 間cafe裡面仲有一間古董真屋, 好犀利呀. 下次去上海要再行過.

夜晚我地又去咗高消費區 - 新天地- 好悶呀. 不過, 又比我個抵死同事問到, 一個夜蒲點叫復興公園呀, 不過我地太夜去啦, 佢地全世都係收2點架.

上海- 雖然唔係真係咁好玩, 可以話有d悶, ( 而且消費真係好高好高). 但只要慢慢行, 慢慢感受下, 都好有feel- 一個好有歷史既城市. 死啦!! 我唔係黎旅行架, 我係黎做野架, 一d野都冇做添, 死硬.

Maraton Week

26 Feb - 4 Mar

開工啦!!

26號終於放完假又要開功啦. 其實好多野等住自己做,但係都懶囉.

星期日要跑渣打喎, (其實25號星期日自己已經開始練下, 跑咗成個鍾- 但係都唔知跑咗幾遠) 星期二又同d同事再跑運動場, 跑咗10k, 都係差唔多要成個鍾 (ok 啦 自己又唔係日日練 自我安慰一下)

4號終於跑啦! 心情又緊張又興奮, 去到尖沙咀同班同事會合都差唔多6點半囉,現場已經好多好多人啦, 又興奮d. 實在太多人啦! 7點15分先跑得過個起步點, 跑得兩步又停,太多人啦, 未過西隧之前根本係係人群裡面走黎走去. 一入西隧先叫做開始有得跑下. 西隧個段一上斜, 真係開始有d辛苦啦, 又焗又熱, 一出西隧空氣清哂, 點知又上斜, 跑過一段平少少既路, 吓!!!!!!!!!! 又上斜~~~~~上到幾時呀~~ 自已係咁跑係咁跑, 上斜落斜,終於見到金紫荊啦, 跑完!!好野!! 個人真係好high, 下年我一定要再參加.

好老套呀: 做人都係咁啦, 有時上斜, 有時又落下斜, 有時辛苦, 有時又好舒服, 不過記得要跑, 唔好停"底", 同記得跑緊個時0弟下週圍d風境, 先跑得開心.

ps 係度要多謝我d同事, 同我一齊參加, 一齊練跑, 又同我地等位飲茶. 多謝!

結果: 今次自己跑第 ............................ 18xx 好大既數字

Yoga Week
19 Feb - 25 Feb

放假有咩好做呢?! 做瑜珈

自從join咗pure之後, 開頭真係滿懷壯志,希望:我要做好呢個post. 但係隨著時間偷偷雞流逝,自己又做少咗, 雖然都有d進步, 但唔多囉. 星期三做咗一堂ashtanga 1 (注: ashtanga 係瑜珈一支, 講求肌肉耐力及柔軟度, 係非常挑戰性的練習,當中的細節呀-自己0弟書啦), 又令我燃起心中一團火呀. d post 真係好amazing呀, 雖然老師成日講, 瑜珈唔係就咁擺隻腳上個頭, 但係當你見到有人真係做到, 個心真係好想去到佢地個階段( 我自己啫).

希望一日, (係盡快)考到牌出黎教. - 但係我知要一步一步黎,唔可以心急, 日日練下, 就自然有進步. 係咪!!!

Holiday Week
12 Feb - 18 Feb


自從知道16號開始放假之後, 個人都開始懶洋洋. 工作都好想係放假之後做 (但係冇可能囉)
反而放假後又唔係咁覺得自己放緊假. 今年新年自己一d節日氣氛都冇, 年三十晚去左阿姨度食團年飯,之後都係要同人一齊係維園迫一迫(但係真係一年迫過一年), 結果成5點幾先返到屋企. 死得!

新的一年又來, (我始終覺得農曆新年, 先至係我地既新開始) - 真係令人擔憂既一年,都係錢啦, 新年願望實際d - 都係希望老闆加多d人工, 身體好健康, 開心. (我幾時先至唔駛為錢而擔心呢)

Bonus Week
5 Feb - 11 Feb

前幾天早上,聽了一段關於電影-落葉歸根的評論, 很值得我們反思現在香港的, 中國的甚至世界的低下階層的情況.

故事的內容大致是講述, 一位湖南民工在廣東地盤打工.一天,他忽然暈倒,被工友送入當地醫院, 證實是中風, 要馬上做手術. 可悲是醫院故然要首先收1500人民幣才做手術. 他的工頭亦不願支付這個. 把心一橫, 當夜就馬上安排把他偷出來, 安置在工地. 隔了一天, 民工死了, 工頭本想把他葬在附近就算, 但一位他的同鄉實在不忍心把他棄屍鄉外,就決心把 "他"帶回鄉.

單看劇情它應該是一齣悲劇, 但當你回想他如何帶著一位屍體同行的時候, 又真是如何的荒謬. 電影中間亦加插了很多現今中國的社會問題. 他們坐公車時, 當乘客知道他帶的是一位屍的時候, 馬上把他趕下車, 但就沒有人願意加以援手 ; 一位在工場大火中毀了容的少女, 因受到其他人歧視,而要在蜂場工作, 每天要帶著面罩生活 ; 一位拾荒者好不容易把自己的兒子供養到大學畢業, 但最後遭受兒子嫌棄而要繼續拾荒而活; 途中主角被騙去全部路費, 最後因被揭發坐霸王車而被拉到公安廳, 才被人知道這個真人真事.

主角體會到在中國,像他一樣的低下階層, 可能死亡才是真正的解脫.




昨天發了bonus呀! 嘩好多呀!! 真係估唔到, 仲以為得500. : )

Work to die Week
29 JAN - 4 FEB


CLOSE TO THE PRESENTATION and CLOSE TO DIE.

今次雖然唔似上次咁- 做足36個鍾冇停過, 但係有幾晚都做到2,3點. 出黎效果及完整程度都好左好多. 總之老闆0弟咗都覺得滿意.

0弟下返黎有乜反應啦!!

p.s. 又一年啦! 記得12年前, 我仲讀緊中七, 我既英文老師教咗我地一句英: Let's say goodbye to Dog and welcome to Hog(小猪). 又12年啦!!!

TAX Week
22 Jan - 28 Jan

做死人呀! 老闆2月頭要飛走做present. 今個禮拜d野開始急到"屎(死)". 特別多謝( 唔係講野, 係真架) 我d同事-包括大陸同事, 雖然自己都做到2,3點,但係我知佢地有時仲辛苦過我. 特此鳴謝!! 希望老闆成功返黎, 唔係又要捱鬧.

本來我地時間都好迫, 點知2月2號, 我老闆個細佬( 都係我老闆) 結婚, 全公司休息一日, 我地d時間仲迫. 擺酒地點係深灣鄉村俱樂部, 咁大仔都未去過d咁高貴既地方. 野食真係麻麻, 不過地方佈置都好靚, (d相你地等下啦).

ps 交了稅的日子 真是難捱 - 朋友你交咗未? 記得4月又交過-

香港政府好唔公平呀, d大有錢佬就可以做數交少d稅, d真係窮人(當中等係有d有野唔去做d人啦)又唔駛交, 得番d努力工作但人工又唔高d人係度交, 仲要唔係好響受到d褔利.

Fashion Week
15 Jan - 21 Jan

My frist collection in 2007
I prepared almost 3 months since last year when I was informed by HKTDC.
Fashion show is a time and money wasting job for me but I really really love it even it is not prefect for everyone.

行show個日又要請假, 我老闆仲以為我去見新工.
去到仲要同個model試fit條腰帶, 手作仔野下次真係唔做啦!

野都未食就沖過去0弟fashion week d 攤位, (自己全個collection 喎, 雖然唔係出自己名, 但係都好興奮) 個位裝飾得好靚架. 點知都0弟唔夠10分鐘成個hall就收啦, 真係影相都影唔切.




ps 自力更生的日子不易過 但還是要過 我會努力 ( 今年要還好多錢, 不過自己仲handle到)

Catwalk week
1 Jan - 14 Jan

Let the sun shine in

The 1st fashion show to me on 2007.
自己都好緊張呀, 自從上年yd之後都冇行過show 啦, 行show個兩套衫都係要自己"縫補補", 做死人呀! 出黎都ok架,( 不過自己都覺得太"學生"啦!) 用左新買既相機, 想影d相, 點知............自己太慢手腳,影極都係影到隻手, ( 個身已經出左鏡頭啦) ,唯有寄望yd個show再影啦.